На спортскиот терен во Градскиот парк во Велес вчера официјално започна Детскиот турнир во мал фудбал, кој оваа година привлекува голем број млади учесници и љубители на спортот. Настанот е организиран од Општина Велес во соработка со фудбалскиот тренер Панче Нанев, со цел да се поттикне спортскиот дух, здравиот начин на живот и тимската игра кај најмладите.
Во првиот ден од турнирот беа одиграни вкупно четири возбудливи натпревари во рамки на групната фаза.
Во Групата Б:
Мал Ајакс доминираше над Блум Бренд со убедлива победа од 7:0.
Во вториот натпревар, Мал Ајакс продолжи со победничкиот ритам, совладувајќи го тимот КарФорЈу со 2:0.
Во Групата Ц:
Јаболчиште беше поуспешен од Оризари со резултат 6:3.
Борец 1919 ја демонстрираше својата сила и го победи тимот на Јаболчиште со 4:0.
Денес турнирот продолжува со нови натпревари во повеќе групи:
Оризари – Борец 1919 (Група Ц)
Еуро Метал – Којник
Блум Бренд – КарФорЈу
Работник – Тополка (Група Д)
Организаторите најавуваат уште многу динамични средби и спортска возбуда во наредните денови, а публиката е добредојдена да ги поддржи младите фудбалери и да биде дел од овој спортски празник во Велес.
