Утре со натпреварите од 16 коло продолжува Втората фудбалска лига на Македонија. Борец 1919 АД со гостување во Куманово, против екипата на Башкими ќе го започне походот кон опстанок во лигата.
Велешката јавност е опптимист дека Борец 1919 АД и наредната сезона ќе игра во втората по квалитет фудбалска лига. Во подготвителниот период, новиот тренер, Горан Симов, донесе новини во играта на велешани, а за тоа говорат и резултатите. На четири контролни натпревари Борец 1919 Ад забележа две победи, против Тетекс и Саса, одигра нерешено против Арсими, и загуби од Скопје.
Тимот претрпе неколку кадровски промени. Во клубот веќе не се Мирон Илиевски, Никола Филевски, Марко Софијаноски, Давид Блажевски, Горан Димоски, Павле Петров, Јосиф Манасиев, Стојанче Костадиновски и Кристијан Маневски. Нови имиња се голманот Матеј Андов, Никола Анчевски Бујар Хајдари, Онур Емини, Един Мерсовски, Алекс Митров, Дамјан Зенгорски, како и најзвучното засилување овој преоден рок, Стојан Стојчевски.
