Остануваат уште три кола пред крајот на регуларниот дел на ракометната Супер лига, по што ќе се продолжи со битките во плеј офот за шампион и борбата за опстанок во пле аутот. Во рамки на 20 коло, Фруитленд Борец ќе гостува во Скопје кај екипата на Бутел.
За двете екипи, ова ќе биде последно соочувањ сезонава, бидејќи Бутел ќе ги продолжи натпреварите во плеј – оф, додека велешани во плеј-аут. Единствената дилема пред стартот на разигрувањето ќе биде со колку бода ќе стартуваа Фруитленд Борец во плеј-аутот.
Натпреварот ќе се одигра во спортската сала „Антон Димитров“ во Скопје со почеток во 18:00 часот. Велешани на овој натпревар ќе можат да сметаат на новите засилувања, голманот Александар Ѓурѓевиќ и пивотот Пабло Антунес де Фреитас.
