За еден ден во велешката болница се примени шест нови пациенти со ковид-19, по што бројот на хоспитализирани скокна на 39. Од нив, 30 имаат потврдени позитивни тестови, шест пациенти се сомнителни, а тројца имаат негативни брисеви, но се задржани на болничко лекување. На кислородна поддршка се осум пациенти. На инфективното оддееление има 34 пациенти, а на интерното се сместени петмина.
Откако по новогодишните празници бројот на хоспитализирани ковид пациенти секојдневно се намалуваше, а пред дваесеттина дена падна на само 17, сега повторно се приближува до 40. Во Велес во моментов има 236 активни случаи со коронавирус.
Според последниот извештај на Министерството за здравство, во последното деноноќие во Велес се регистрирани нови шест случаи со коронавирус, а еден велешанец на 66-годишна возраст почина како последица на ковид-19. Во истиот период се регистрирани и четворица оздравени пациенти.
Од почетокот на пандемијата се заразија 3306 велешани, од кои 2963 се излечија, а 107 починаа.
Можеби ќе ве интересира:
