Реклама

Непознати сторители исекле 14 садници со пила на улица во Велес

Непознати сторители, со пила исекле 14 садници во одлична вегетациска состојба на улица „АСНОМ“. Немилиот настан се случил на 29 и 30 март, кога сторителите делото го сториле со намера и при тоа направиле огромна штета, информираше градоначалникот Коцевски на денешната прес конференција.

„Сторителот кога го вршел дејствието немал во предвид дека ова е дел на градот каде има производни дејности, улицата е намената и за тешки товарни возила, на улицата без дозвола се паркирани автобуси на приватни компании. Сите заедно имаат големо влијание врз квалитетот на амбиентниот воздух и овие садници имаа потенцијал да бидат мал, но корисен природен филтер во непосредната околина. Се надевам дека надлежните органи ќе го откријат сторителот и соодветно ќе го казнат“, рече Коцевски.

Kegi Mobi

Исто така Градоначалникот Коцевски информираше дека во пролетниот период во Општина Велес се засадени 260 високи повеќегодишни листопадни дрвја на следните локации: Еко камп на езерото Младост, Градскиот парк, Паркот Гимназија, Пaркот пред општинската зграда. Заради временските услови засадувањето ќе  продолжи во есенскиот период.

Mожеби ќе ве интересира: