вторник, 29 ноември, 2022
Реклама

Филипче: Или ќе ги почитуваме мерките или ќе ги вратиме рестрикциите!

Filipce 29.05.2020

Вирусот ќе го победиме со многу дисциплина и безусловно почитување на мерките. Пример, за тоа е Дебар, која беше прва општина која влезе во карантин, а денес е општина во која со недели нема ниту еден нов случај. Ова е заслуга на граѓаните и нивното дисциплинирано однесување, смета министерот за здравство Венко Филипче. Тој порача дека друг избор, освен да се почитуваат мерките, нема.

„Ние не можеме вечно да живееме во карантин. Тоа е штетно за менталното здравје на граѓаните, за економија, за целото општество. Имаме два избори, или ќе го продолжиме да го враќаме животот во нормала почитувајќи ги безусловно мерките или ќе се враќаме назад кон силни рестрикции. Изборот е наш. Друг излез од оваа состојба, за жал не постои“, смета Филипче.

Agria

Тој уште еднаш апелираше до граѓаните да се воздржат од групирање и да одржуваат дистанца, да бидат внимателни, да носат заштитна опрема и да се грижат за личната хигиена.