Реклама

Нови 164 заразени, двајца починати

Srbija korona

Нови 164 случаи на заразени од Ковид 19 регистрира Институтот за јавно здравје на Македонија од 1045 тестирања.

Најмногу се од Скопје 85, Куманово со 24, Тетово 18, Штип и Струга по пет, Охрид девет. Дебар и Прилеп имаат регистрирано по три нови случаи, Гостивар, Ресени Свети Николе по два и Гевгелија, Крива Паланка , Кочани, Македонски Брод, Валандово и Неготино по еден нов случај.

Agria

Институтот за јавно здравје регистрира и 12 оздравени пациенти, и тоа Прилеп шест, Скопје три, Велес, Струга и Виница по еден оздравен пациент.

На Инфективната клиника во изминативе 24 часа примени се 16 нови, а вкупно хоспитализирани 93 пациенти. На кислородна поддршка се 44 пациенти, нема пациенти на механичка вентилација.

Во болницата во Битола се хоспитализирани 25 пациенти, а на домашно лекување преку болницата се следат 2 пациенти. Во болницата во Штип се хоспитализирани 23 пациенти. На инфективните одделенија во Тетово, Охрид, Велес, Куманово и Прилеп се хоспитализирани 31 пациент – позитивни и сомнителни на ковид-19.

Починати се две лица од Скопје и Тетово.
Во ГОБ „8 септември“ почина пациентка од Скопје (53г) хоспитализирана како сомнителна на ковид на 2 јуни и потврдена позитивна по приемот. Во болницата во Тетово почина пациентка (60г) хоспитализирана како сомнителна на ковид на 9 јуни.

Досега во земјата се направени вкупно 41.049 тестирања на ковид -19. Денеска нема тестирања во рамките на скринингот.