Реклама

Нови пет случаи на коронавирус во Велес

Covid Macedonia

Во последните 24 часа Министерството за здравство регистрира 138 нови случаи на коронавирус, од нив пет се во Велес.

Најмногу заразени има во Скопје – 47, а со двоцифрена бројка на позитивни случаи се и Дебар и Гостивар со по 10, Штип со 16 и Куманово 17. Шест случаи има во Македонски Брод, пет во Битола и Кочани, Кичево три, два има во Тетово, Прилеп, Охрид и Виница, а по еден позитивен случај има во Кавадарци, Крива Паланка, Демир Хисар, Пробиштип, Кратово и Ресен. Денеска Институтот за јавно здравје регистрира 144 оздравени.

Починати се седум лица, две пациентки од Скопје (64 и 67 години), пациентка од Македонски Брод (53г.), пациентка од Кичево (41г.), пациент од Битола (27г.), пациент од Дебар (78г.) и пациент од Штип (64г.). Шест пациенти се починати во болнички услови, а еден вонболнички.

Вкупната бројка на ковид дијагностицирани во нашата земја од почетокот на епидемијата изнесува 10891, бројката на оздравени пациенти е 6698, на починати е 493, а во моментов бројот на активни случаи во земјата изнесува 3700.

Можеби ќе ве интересира:

Реклами