BATALI.net Батали работа, ко да ти е сабота 
Расфрлани шприцеви, маски и ракавици, гази со крв и отпад, вака утрово изгледаше просторот пред канцеларијата во која Центарот за јавно здравје Велес зема брисеви за коронавирус. Оваа просторија се наоѓа во зградата на поранешното училиште „Ј. Х. К. Џинот“.
Граѓани кои утрово го посетиле местото за тестирање од Ковид-19 и кои затекнале грда слика, реагираа на социјалните мрежи. Тие велат дека повеќе од 20 луѓе на кои денеска им се земени брисови, немале каде да фрлат отпад, бидејќи околу просторијата немало канти за отпадоци. Тие апелираат до Министерството за здравство, Општина Велес и до ЈКП Дервен да обрнат повеќе внимание на хигиената околу овој простор.
За сличен проблем граѓани реагираа и пред месец и половина, кога поради изборите, местото за земање брисеви беше преместено неколку стотини метри подолу од сегашното, во зградата на поренешниот пензионерски дом, на кејот на Вардар. И таму имаше расфрлано ѓубре, маски и ракавици, најчесто од пациенти на кои им се земаа брисеви.
Можеби ќе ве интересира: