![Policiska-lenta](https://i0.wp.com/batali.net/wp-content/uploads/policiska-lenta.jpg?resize=618%2C297&ssl=1)
Едно лице загина, а четири други се повредени во вчерашната сообраќајна несреќа што се случи кај селото Страцин во Општина Кратово.
Од секторот за внатрешни работи – Куманово, како и од портпаролот Живкица Чавдаревиќ, несреќата се случила попладнето, околу 15:50 часот кај селото Страцин, клучката кај местото „Чатал”, спој на регионалниот пат од Општина Кратово со магистралниот пат А2, Куманово – Крива Паланка.
Портпаролот посочи дека во незгодата дошло до директен судир помеѓу две патнички моторни возила, голф со регистарски ознаки од Македонска Каменица и патничко моторно возило марка БМВ, со тетовски регистарски таблички.
„За жал, сообраќајната незгода заврши фатално за еден од патниците во возилата кои учествувале во незгодата, а четири лица се здобиле со телесни повреди и пружена им е потребната медицинска помош. МВР работи на утврдување на причините за несреќата“, рече Чавдаревиќ.
Можеби ќе ве интересира: