Генералниот секретар на ВМРО-ДПМНЕ, Игор Јанушев вели дека ВМРО-ДПМНЕ нема да предложи потпретседател на Собранието, оти, како што вели, тоа е непотребен трошок за граѓаните.
„Јавно кажавме од собраниската седница дека е премногу и дека е непотребен трошок сето ова што се прави, истакна Јанушев, додавајќи дека во минатото никогаш не било вака, дополнително само ќе се зголемат трошоците кои ги плаќаат граѓаните, а најголем од тие дури и да ги имаме 5 потпретседатели никогаш нема да седнат на спикерското столче“, вели Јанушев.
Ова доаѓа откако Зоран Заев, на вчерашната прес-конференција пред Собранието рече дека и тие нема да предложат кандидат, само доколку и ВМРО-ДПМНЕ се откаже од потпретседател.
„Нека се откаже ВМРО-ДПМНЕ од свој претставник за потпретседател на Собранието, ќе се откаже и СДСМ и тогаш ќе имаме три потпретседатели“, рече Заев.
Можеби ќе ве интересира: