Велешанката Даниела Теова доби покана да настапи во славниот Карнеги хол во Њујорк

Младата 10-годишна пијанистка од Велес Даниела Теова доби несекојдневна покана – да настапи во славниот Карнеги Хол во Њујорк. Ова следува откако таа се здоби со оценка „Лауреат“ на меѓународниот онлајн натпревар за млади пијанисти, кој се одржа во организација на Министерството за култура на Русија, Конзерваториумот Чајковски и њујоршкиот Карнеги Хол.

На натпреварот учествуваа пијанисти од целиот свет, а покрај одличните критики на врвни професори и уметници и оценката „Лауреат“, Даниела Теова доби покана во јуни идната година да настапи во еден од најпрестижните центри во светот Карнеги Хол во Њујорк.

Дебито на Даниела Теова на овој престижен натпревар и објавата на постигнатите резултати ги поттикна младите македонски пијанисти да учествуваат на натпреварот и да се здобијат со искуства кои се од огромно значење за еден млад пијанист.

Можеби ќе ве интересира: