Зоран Ѓуровски стана член на Советот на општина Велес, на местото на Ненад Коциќ

Зоран Ѓуровски од листата на коалицијата предводена од СДСМ е нов член на Советот на Општина Велес. Тој доаѓа откако досегашниот претседател на Советот Ненад Коциќ беше избран за пратеник во Собранието на Република С. Македонија.

Мандатот на Ѓуровски беше верификуван на последната седница на Советот на Општина Велес, која се одржа во понеделникот. За Ѓуровски ова е втор пат да биде член на Советот, откако на истата фуннкција беше и во периодот од 2005 до 2009 година. Тој е член на партијата Обединети за Македонија.

Засега, претседателското место во Советот на Општина Велес останува непополнето, бидејќи членовите од мнозинството ја тргнаа точката од дневен ред, со образложение дека им треба време за дополнителна координација со раководството на СДСМ. Додека не се избере нов претседател, со седниците ќе претседава најстариот член на Советот Бесим Ахмедов.

Можеби ќе ве интересира: