Министерот за здравство на Чешка, Адам Војтех, денес поднесе оставка поради критиките за управување со здравствената криза по зголемувањето на новозаразени од коронавирус во земјата.
Премиерот Андреј Бабиш му се заблагодари на Војтех за неговата работа. Бабиш на Твитер објави дека Војтех може да се запомни како најдобриот министер за здравство во Чешка доколку не морал да ја потроши целата своја енергија во борба против коронавирусот.
Сепак, Чешка го забележува второто најголемо зголемување на бројот на заболени од коронавирус во Европа по Шпанија. Чешка ги укина сите мерки воведени за време на првиот бран на коронавирус во земјата пред летото.
Во изминатите две недели, Чешка забележа 193 случаи на 100 000 луѓе.
Можеби ќе ве интересира:
