Велес со двоцифрен број заразени во последните 24 часа, нов рекорд во Македонија

12 велешани се меѓу новооткриените 393 случаи во целата земја во последните 24 часа. Денешната бројка на територијата на цела држава е нов рекорд од почетокот на пандемијата, а бројката на заразени велешани е втора најголема од март досега.

Во последното деноноќие во болнички услови починаа четворица пациенти, од Скопје на 83-годишна возраст, од Куманово на 62-годишна возраст, од Кичево на 80-годишна возраст и од Радовиш на 54-годишна возраст.

Во последните 24 часа се направени 2464 тестирања, а најмогу регистрирани случаи и денеска има во Скопје, вкупно 189. Во Тетово се откриени нови 27 заразени, во Прилеп има 19 случаи, во Гевгелија и Струмица по 15, во Куманово 14, во Штип и Кочани по 13, во Велес 12, во Радовиш 10. Во останатите градови има едноцифрен број заразени и тоа во Битола девет, во Кавадарци осум, во Струга седум, по чест има во Гостивар и Кичево, во Охрид пет, во Крива Паланка четири, во Пробиштип, Берово и Делчево по три, во Дебар 2, Македонски Брод, Пехчево и Свети Николе по два и во Крушево, Валандово, Кратово и Ресен по еден новооткриен случај на ковид-19.

Денеска Институтот за јавно здравје регистрира 90 оздравени пациенти од кои еден е велешанец.

Досега во земјата се направени вкупно 206243 тестирања на Ковид -19. Нема тестирања во рамките на скринингот.

Вкупната бројка на ковид дијагностицирани во нашата земја од почетокот на епидемијата изнесува 20555, бројката на оздравени пациенти е 16099, на починати е 785, а во моментов бројот на активни случаи во земјата изнесува 3671.

Можеби ќе ве интересира: