Намален е бројот на пациенти со коронавирус, хоспитализирани на инфективното одделение во велешката болница. Денес таму се лекуваат 26 пациенти или девет помалку од вчера. Од нив, 24 се потврдени позитивни на ковид-19, а двајца се сомнителни. Во исто време, девет пациенти се во потешка состојба и добиваат кислородна поддршка.
Од велешката болница потврдуваат дека во последните 24 часа девет пациенти се испишани од одделение и се водат како оздравени. Оттаму информираат дека во меѓувреме го зголемиле и капацитетот на инфективното одделение, кој од 35, сега изнесува 46 легла.
Попладнево, 41-годишен велешанец од ова одделение итно е префрлен на Клиниката за инфективни болести во Скопје. Нему утрово му се влошила состојбата, откако имал пад на сатурацијата. Претходно, тој една недела бил хоспитализиран на инфективното одделение во велешката болница.
Можеби ќе ве интересира:
