Тринаесет велешани и вкупно 518 граѓани во земјава се откриени како позитивни на коронавирус во последните 24 часа. Како последица на ковид-19 во истиот период починаа девет пациенти, а регистрирани се 200 оздравени. Новозаразените се откриени откако се направени 2367 тестирања.
Најголем број новоинфицирани се регистрирани во Скопје каде што има 261 позитивни. По него следува Тетово со 30, Струмица со 23, Прилеп и Битола со по 21, Штип со 19, Охрид со 15, Куманово, Велес и Кичево со по 13, Кавадарци, Гевгелија и Кочани со по 11, Гостивар со 10, Свети Николе 8, Радовиш, Пробиштип и Ресен по 6, Струга 5, Крива Паланка 4, Валандово и Делчево по 3, Виница и Берово по 2 и Неготино 1 новозаразен.
Починати се четири пациенти од Скопје на 36, 60, 65 и 53-годишна возраст, еден пациент од Штип на 66-годишна возраст, еден од Радовиш на 72-годишна возраст, еден од Струмица на 71-годишна возраст, еден од Пробиштип на 75-годишна возраст и еден пациент од Македонска Каменица на 44-годишна возраст.
Денеска Институтот за јавно здравје регистрира 200 оздравени пациенти од кои двајца се од Велес. Досега во земјата се направени вкупно 231.613 тестирања на Ковид -19.
Вкупната бројка на ковид дијагностицирани во нашата земја од почетокот на епидемијата изнесува 25991, бројката на оздравени пациенти е 18247, на починати е 883, а во моментов бројот на активни случаи во земјата изнесува 6861.
Можеби ќе ве интересира:
