Велес урна уште еден црн рекорд и станува ново жариште на коронавирусот. Во последното деноноќие се регистрирани 82 новозаразени велешани со коронавирус, дознава Батали.нет од извори во Министерството за здравство . Со нив, во моментов во Велес има 337 активни случаи.
За само три дена во Велес се регистрирани 173 новоинфицирани, со што бројот на вкупно инфицираните од почетокот на пандемијата досега изнесува 719. Од нив, повеќе од половина или точно 397 граѓани се заразија само во тековниов месец октомври. За десетина дена во велешката болница починаа 15 пациенти, а вкупниот број починати е 29 велешани.
Кризниот штаб на Велес денеска состојбата со вирусот во градот ја оцени како крајно алармантана, а градоначалникот Аце Коцевски најави дека доколку бројките продолжат да растат, размислува да предложи карантин за градот.
Можеби ќе ве интересира:
