Австралија денес за прв пат по скоро пет месеци не пријави нови дневни случаи на инфекција со коронавирус, соопштија здравствените власти, со што се ослободи простор за понатамошно ублажување на мерките за социјална далечина.
Брзите и ригорозни мерки во комбинација со согласност на заедницата беа добра комбинација за запирање на пандемијата, така што не го преплави австралискиот здравствен систем.
Главниот здравствен службеник на Викторија, Брет Сатон во неделата даде зелено светло, дека ограничувањата за движење во државата може да се намалат во наредните денови, но повика на натамошно придржување кон мерките.
Австралија регистрира нешто повеќе од 27 500 случаи од почетокот на пандемијата.
Таа на почетокот реагираше брзо со затворање на границите и воведување мерки за социјално растојание, како и опширно тестирање и следење на контактите.
Можеби ќе ве интересира:
