Книгата раскази на на поетесата Наташа Брезовска Богоевска, „Детства“ беше промовирана денеска пред Ликовниот салон, во рамки на 53 Детски Рацинови средби. Промотор на книгата беше поетот Филип Димкоски.
Вистински приказни инспирирани од најубавиот период од животот на секој човек-детството, раскажани низ 16 раскази, секој напишан со едноставен стил носи порака за другарството, емпатијата, одговорноста, пожртвуваноста и за сите оние вредности кои треба да го красат човекот.
Наташа Брезовска Богоевска е долгогодишен наставник по македонски јазик. Секојдневните контакти со децата, нивната смеа, тага, радост ја инспирирале да ја напише книгата.
Промоцијата на книгата беше придружена со музичка точка и читање на извадоци од книгата. Настанот е во организација на Општина Велес и Клубот на писатели „Коста Солев Рацин“.
Можеби ќе ве интересира: