Мицкоски: Пендаровски го загуби кредибилитетот за организирање на лидерски средби

Лидерот на ВМРО-ДПМНЕ вели дека претседателот на државата Стево Пендаровски го загубил кредибилитетот за организирање на лидерски средби, по низа скандали во неговото работење, вклучувајќи ги сведочењето на реисот и доделувањето на мандатот на Зоран Заев, без доказ за поседување на парламентарно мнозинство.

Мицкоски вели дека на лидерска средба треба да се разговара и за формирање техничка влада и за лошото справување со пандемијата.

„Средба кај Претседател кој е без свој став или следи став на еден политичар, не прифаќаме“, рече Мицкоски.

Тој рече дека барал и сеуште бараа средба со лидерите на партиите од власта и опозицијата, на која ќе се дискутира за спорот со Бугарија, бидејќи јавноста и опозицијата не смеат целосно да се исклучени од овој процес.

По овој став на Мицкоски премиерот Зоран Заев одговори дека тогаш тој нема да организира лидерска средба.

Можеби ќе ве интересира: