Во велешката болница двојно повеќе хоспитализирани ковид пациенти неделава во однос на минатата

Бројот на хоспитализирани пациенти од ковид-19 во велешката болница двојно се зголеми неделава, откако минатата недела тој падна под 20. Од болницата информираат дека денеска таму се лекуваат 37 пациенти, од кои 27 имаат потврдени позитивни тестови, еден е сомнителен случај, а деветмина имаат негативни тестови, но ии е потребно болничко лекување. На кислородна поддршка се 10 пациенти. На инфективното одделение се хопитализирани 32 пациенти, а на интерното одделение се сместени петмина.

Денеска се регистрирани нови девет случаи со коронавирус во Велес, кои се дел од вкупно 404 нови случаи во земјава. Неделава од ковид-19 починаа четворица велешани, од кои најмладата пациентка имаше 48 години.

Од почетокот на пандемијата со коронавирус се заразија 3167 велешани, од кои 2810 се излекуваа, а починаа 105 пациенти. Во моментов се уште активни се 252 случаи.

Можеби ќе ве интересира: