Почина градоначалникот на Загреб Милан Бандиќ

Доцна синоќа почина градоначалникот на Загреб Милан Бандиќ на 66-годишна возраст, јавуваат хрватските медиуми. На градоначалникот Бандиќ му се слошило касно синоќа и со Брза помош билпренесен во болница, каде лекарите се обиделе да го реанимираат, но неуспешно. Веста ја потврдија и од Град Загреб.

Тој подолго време имал сериозни проблеми со здравјето. Во 2003 година преживеал тежок мозочен удар, а пред три години му бил вграден стент. Имал и белодробна емболија а му биле извршени и неколку операции, последната, лани, на гласните жици.

Бандиќ првпат стана градоначалник во 2000 година како кандидат на Социјалдемократската партија, но две години подоцна поднесе оставка откако пијан предизвика сообраќајна несреќа, по што се обидел да подмити полицаец. На функцијата градоначалник тој се враќа во 2005 година.

Тој во својата градоначалничка кариера бил во притвор како осомничен за финансиски малверзации, но ниту еден од скандалите или аферите кои беа поврзувани со неговото име не им пречеше на жителите на Загреб да гласаат за контроверзниот градоначалник.

Бандиќ беше градоначалник во шест мандата, односно цели 20 години беше на чело со главниот град на Хрватска.

Можеби ќе ве интересира:

Тој дури два пати во текот на својата градоначалничка кариера бил во притвор како осомничен за финансиски малверзации, но ниту еден од скандалите или аферите кои беа поврзувани со неговото име не им пречеа на загрепчани да гласаат за својот омилен градоначалник.

Беше градоначалник во шест мандата, односно цели 20 години владееше со главниот град на Хрватска.