13 години затвор доби убиецот Насер Ештрефи за убиството на матурантот Ангел Петковски што се случи во 2014 година, а во казната е пресметано и времето кое обвинетиот го има поминато во притвор, речиси седум години.
Убиството се случи на 19 мај 2014 година во населбата Ѓорче Петров. Инцидентот почна со кражба на велосипед од страна на Насер Ештрефи од скопското село Грчец.
Претходно Ештрефи беше осуден на 14-годишна затворска казна, па Врховниот суд ја укина пресудата и судењето го врати на повторно одлучување.
Родителите на убиеното момче изјавија дека за нив како родители казната е многу мала и дека ништо не може да го надомести нивниот син. Најавија дека ќе продолжат да ја бараат правдата.
„Нашата штета не може никој да ни ја надополни бидејќи Ангел беше првото внуче на мојот татко во куќата, и тој го носеше името на својот дедо. Во нашата православна вера Ангел значи многу нешта, тоа е свето име“, изјави таткото на Ангел, Сашо Петковски, кој воедно беше и сведок во случајот со убиството на неговиот син.
Можеби ќе ве интересира:
