Македонија еден од домаќините на ЕП во одбојка во 2023

Македонската одбојка ја доби честа и одговорноста да организира една од групите на машкото сениорско Европско првенство во 2023, а тоа значи дека македонските одбојкари третпат по ред ќе учествуваат на континенталните самити.

Добрата вест од ЦЕВ е предвесник на периодот предвиден за машката сениорска репрезентацијата којашто наскоро ќе ги почне подготовките за настапот во Европската сребрена лига. Првиот тунрир од неа од 21-23 мај, како и завршниот на 5 и на 6.јуни ќе бидат одржани во салата „Парк“ во Струмица, а тоа ќе биде дополнителна предност во амбициите да се освои златниот медал. Македонските одбојкари потоа ќе тренираат за учеството на Европското првенство во септември, а во меѓувреме ќе ги дознаат противниците во групната фаза и државата каде што ќе настапуваат. Коорганизатори на ЕП 2021 се Полска, Финска, Чешка и Естонија.

Претходно во 2022, Македонија ќе го организира и Европското првенство за одбојкарки до 19 години.

Можеби ќе ве интересира: