Ноќеска од полноќ стапува на сила скратениот полициски час кој ќе трае до 4 часот наутро. Работното време на угостителските објекти се продолжува до 23:30 часот, но тие и понатаму ќе бидат отворени само на летните тераси.
Инаку од вчера започнаа со работа и вежбалниците, фитнес клубовите, спортските центри, салите за вежбање и игротеките, но во овие објекти е задолжително почитување на протоколите за работа.
Владата во вторникот донесе одлука да се дозволи и организирање на инвент настани, со пропишаните протоколи, односно до 30 проценти исполнетост на капацитетите во внатрешноста на објектите и до 50 проценти исполнетост на отворен простор.
Како дел од олабавувањето на мерките е и укинувањето на забраната за користење на годишни одмори за здравствените работници и зголемувањето на бројот на деца во градинките.
Спортските настани и понатаму ќе се организираат без публика.
Можеби ќе ве интересира:
