ЛИДЛ разгледува можност за отворање маркет во Велес

Светски познатиот ланец на супермаркети „Лидл“ ја разгледува можноста за отворање маркет во Велес. Регионални претставници на оваа германска компанија денеска се сретнаа со градоначалникот на Велес Аце Коцевски и разговараа за можностите кои градот ги нуди.

„Денес се сретнав со г-дин Рубријан Хаџиев, раководител и г-дин Георги Асенов, одговорен за проширување на продажбата мрежа на компанијата „Лидл“ во земјата. Разговаравме за интересот и за можностите за отворање продавница во Велес на „Лидл“, позната германска трговска компанија и една од најголемите компании за малопродажба во светот“, напиша Коцевски на Фејсбук.

Пред четири месеци германскиот трговски синџир „Лидл“ ја регистрираше својата компанија во Македонија, а ќе биде управувана од бугарската филијала.

Сопственик е германската матична компанија ВЕ-Интернационал Цвајте ГмбХ од Некарзулм, но субјектот специјализиран за трговија на мало претежно со храна, пијалаци и тутун ќе биде управуван од Софија, од бизнисмените Милена Емилова Драгијска, Бисер Борисов Инчовски и Љубомир Манолов Хрсев. Според описот на нивните надлежности и ограничувања, „Лидл“ планира да вложи над 10 милиони евра во продавница и да купи земјиште поголемо од 10 000 квадратни метри.

Можеби ќе ве интересира: