Бројот на заразени со коронавирусот во Грција надмина илјада, во Турција достигна повеќе од седум илјади, а Катар го забележа првиот смртен случај од вирусот, објавија властите на тие земји.
![](https://i0.wp.com/batali.net/wp-content/uploads/2020/03/Athens.jpg?resize=618%2C468&ssl=1)
Грција потврди 95 нови случаи или вкупно 1.061 лица се заразени од појавата на болеста во земјата од 26-ти февруари. 32 лица починале од коронавирусот, соопшти портпаролот на Министерството за здравство, Сотирис Циодрас.
Бројот на починати од коронавирус во Турција се зголеми за 16 на 108 досега, а бројот на заразени за 1704 или вкупно 7042, рече министерот за здравство Фахретин Коца.
Катар денес го забележа и првиот смртен случај. Само денес биле регистрирани 28 новозаболени, со што вкупната бројка изнесува 590.
![](https://i0.wp.com/batali.net/wp-content/uploads/2020/03/Doha.jpg?resize=618%2C470&ssl=1)
Повеќето од заразените во Катар се странски работници, така што властите затворија големи делови од индустриската зона каде живеат и работат.