Сертификатот за прележан ковид ќе важи шест месеци

Комисијата за заразни болести на денешната седница донела препорака траењето на сертификатот по прележан Ковид-19 место сегашните 45 дена, да трае 180 дена од датумот на ПЦР-тестот и усвоила упатства за лекување од Ковид-19 кои ќе бидат испратени до матичните лекари.

Портпаролот на Комисијата, Злате Мехмедовиќ, на денешната прес-конференција рече дека засега не се размислува за укинување на ваквите сертификати. Образложи дека ако сега се укинат сертификатите за затворен простор ќе дојде до голема трансмисија на вирусот.

Мехмедовиќ додаде дека во земјите каде што сертификатите се укинати, вкупниот имунитет од вакцинација е многу поголем.

Комисијата за заразни болести повика на вакцинација и за примање на трета доза за поголема заштита. Претседателот на Комисијата за заразни болести, Александар Петличковски, објасни дека во статистиката има шестмина починати вакцинирани со три дози од вакцина за заштита од Ковид-9, но сите биле со претходни заболувања.

Можеби ќе ве интересира: