Продолжуваат поразите на ракометните екипи од Велес. И по четири кола ракометарите на Борец и Бисинов се уште го немаат почувствувано вкусот на победата. Борец загуби од Партизан Гевгелија на домашен терен со 28:45, додека ракометарите на Бисинов се поразени на гостувањето во Свети Николе од екипата на Овче Поле со 29:27.
Во спортската сала „Гемиџии“, гостите од Гевгелија уште од стартот поведоа со 8:1, a на полувреме се замина со двоцифрена предност од 22:12. Во вториот дела гостите само ја зголемуваа предноста, за конечни 28:45. Најефикасен кај Борец беше Бојан Белевски со десет гола, додека кај гостите од Гевгелија, Горан Лисичков и Васил Зајков постигнаа по седум гола.
Содржината продолжува под рекламата
Екипата на Овче Поле пред својата публика ја забележа првата победа, откако во неизвесен натпревар го совлада Бисинов од Велес со 29:27. Во тимот на Бисинов се истакнаа Мартин Иванов и Александар Ристовски со седум гола, додека кај домаќините најефикасни беа Бојан Гичев и Димитрија Крстев со седум гола.
Можеби ќе ве интересира:
