Кире Лазаров го „прибра“ велешанецот Костадин Петров во Алкалоид

Македонскиот суперлигаш Алкалоид договори уште еден трансфер во пресрет на вториот дел од сезоната, потпишувајќи договор со велешанецот Костадин Петров, пренесува ekipa.mk

Велешанецот дебитираше за репрезентација на Македонија на овогодинешниот мундија во Краков и во Гдањск, а она што го прикажа очигледно беше доволно за селекторот Кире Лазаров да го повика и во својот клуб. Петров првиот дел од сезоната го мина во исландскиот второлигаш Тор, но поради семејни причини реши да се врати во татковината.

За поранешниот ракометар на Металург, Вардар и Пелистер се интересираа неколку екипи, но Алкалоид излезе како победник од оваа трка. Амбициозниот скопски суперлигаш на пивотменската позиција ги има и репрезентативците Маркоски и Стојковиќ, како и Симоноски, кој лани настапи на ЕП 2022 во Дебрецен, но овојпат не се најде на мундијалскиот список на Лазаров.

Можеби ќе ве интересира: