Адвокатот на семејството на малата Магделена: Брзината од 68 километри на час која е утврдена со вешт наод и мислење за нас е дискутабилна

Адвокатот на семејството на 11-годишното девојче од Велес кое беше прегазено кај училиштето Васил Главинов на 18 декември во Велес, Јанаки Митровски, годна бара одговорност и од совозачите, кои биле заедно со возачот кој избега од местото на несреќата. Адвокатот се сомнева и во вештиот наод кој покажал дека малата Магдалена е прегазена со брзина од 68 км/час, а со оглед родителите кои биле сведоци на прегазувањето со смртен исход тврдат дека „мерцедесот“ возел со брзина од над 100 км/час.

„Воедно брзината од 68 километри на час која е утврдена со вешт наод и мислење за нас е дискутабилна бидејки родителите се сведоци дека сторителот возел со брзина од над 100 km/h во зона во која е дозволено 30km/h. Како предметот е сеуште во фаза во која може да трпи измени и проширување, апелираме и очекуваме ОЈО Велес да постапи во правец на обвинување и на совозачите (кои не даваа информација за тоа кој е сторител) и за селаните кои со денови го криеле сторителот“, посочува Митровски.

Несреќата во која Магдалена го изгуби животот се случи на 18 декември минатата година. Девојчето беше прегазено на пешачки премин, пред очите на родителите. Возачот не застана да укаже помош туку избега. Полицијата трагаше по него и го пронајде два дена подоцна.

Можеби ќе ве интересира: