Доминација на француските кајакари на првиот ден од Европското првенство на Матка

На првиот ден од Еропското првенство во спринт во кајак и кану на диви води што се одржува во Скопје доминираа репрезентативците од Франција.

Во класичната трка кај мажите злато за Максенс Бару, среброто му припадна на Симон Овен од Словенија додека трет е Кентан Бонетан од Франција.

Во оваа трка настапија и четири македонски репрезењнтативци, а најдобар пласман забележа Љубомир Спасиќ кој го освои 28 место. Александар Златаров беше 36-ти, Кристијан Лазаров целта ја мина како 40-ти, а на 42 позиција се пласираше Благој Гугинов.

Кај дамите најбрза беше Лорен Синесел од Белгија пред Германката Софија Шмит и Лиз Винет од Франција.

Во кану златниот медал го освои Тео Виенс од Франција, втор е неговиот сонародник Шарл Ферион, а третото место го освои Норма Вебер од Германија.

Во женска конкуренција триумф на Италијанката, Сесилија Панато пред Лаура Фонтен од Франција, а трета е Аличе Панато од Италија.

Машки двојки првите две места им припаднаа на Французите. Први се Виенс и Сатур пред браќата Русен, а трети се Германците Хајлингер и Вебер.

Кај дамите триумф на сестрите Панато пред Французинките Фонтен и Жилбер, а со бронзата се закитија Новозадова и Палудова од Чешка.

За потсетување, Натпреварите на 19 и 20 мај ќе може да ги следите во живо на фан страната на Батали.нет, како и јутуб каалот на Батали.нет.

Можеби ќе ве интересира: