САД: Одлуката е донесена затоа што државниот секретар имал веродостојни информации кои сугерираат дека Мерко бил вмешан во голема корупција

САД се децидни дека има докази дека струшкиот градоначалник од ДУИ, Рамиз Мерко, е вмешан во голема корупција. Истовремено, македонски владини претставници чекаат реакција од правосудните органи. Ричард Нефју, координатор за антикорупција во Стејт департментот, во интервју за „Гласот на Америка“ кажа дека вмешаноста на Мерко во копруција е поткрепена, но не може да соопшти детали.

„Одлуката е донесена затоа што државниот секретар имал веродостојни информации кои сугерираат дека г-дин Мерко бил вмешан во голема корупција. И така според законите, кога секретарот ќе дојде до тој заклучок, нечија определба е правно обврзувачка, како што се случи денеска. И знаете, со оглед на природата на одлуките и нивната правна основа, тоа се информациите што можеме да ги објавиме во јавноста за овој случај“, кажа Нефју.

Истовремено, вицепремиерката за добро владеење, Славица Грковска, чека реакција од правосудните органи.

„Јасните пораки и конкретните чекори кои ги преземаат нашите меѓународни сојузници во борбата со корупцијата мора да бидат соодветно разбрани од домашните правосудни органи. Бидејќи нивната основна улога е да обезбедат еднаквост на граѓаните пред законот и да испорачуваат ефективна и неселективна правда“, напиша Грковска.

Вчера, беше објавено дека Мерко и неговото семејство се на така наречената црна листа на САД.

Можеби ќе ве интересира: