Бесими уверува дека нема да се затворат границите

Министерот за финансии Фатмир Бесими вели дека нема официјална најава за генерален штрајк на вработените во Управата за јавни приходи (УЈП). Тој смета дека ниту УЈП, ниту царинските службеници немаат намера да затворат гранични премини или да не исплатат плати.

„Во однос на исплата на плата и во однос на затворање граници, тоа не може да се случи. Има закон за регулирање на права како се регулира процедура на штрајк. Не е ниту намера на УЈП ниту на Царина да затвораат граници или да не пуштаат плата. Нема ништо официјално за тоа, има закон за штрајк и како тоа се регулира, таму јасно стои дека синдикат и работодавач заедно утврдуваат како ќе се штрајкува“, рече Бесими.

Министерството за финансии, повтори Бесими, има разбирање за барањата на УЈП и Царинската управа, но тие, напомена, треба да бидат во рамките на законските прописи.

Можеби ќе ве интересира: