Евгениј Пригожин заедно со своите борци го напуштил штабот во Ростов

Шефот на руската паравоена организација Вагнер, Евгениј Пригожин заедно со своите борци го напуштил штабот на Јужниот воен округ во Ростов, пренесува српскиот Б.92.

Како што е најавено, властите ќе ги отфрлат сите обвиненија против него и неговите борци.

Улиците во центарот на Ростов на Дон повторно беа отворени за сообраќај откако Вагнер почна да ги повлекува борците кои ја презедоа контролата врз воените објекти во градот.

Во саботата вечерта, по интервенцијата на белорускиот лидер Александар Лукашенко, Пригожин објави дека неговата паравоена група го прекинува бунтот против руската влада за да избегне крвопролевање и дека ќе се врати на фронтот во Украина.

Како што јави синоќа чеченската државна телевизија „Грозни“, три илјади чеченски војници биле на позиции во Москва за да ја бранат руската престолнина од бунтовниците од Вагнер.

Можеби ќе ве интересира: