Велес повторно со најмногу заразени со коронавирус

Шест нови случаи на заразени со коронавирус се регистрирани во Велес. Сите новозаразени се во роднинска врска со инфицираните од претходните денови.

Четврти ден по ред, Велес е на врвот по бројот на инфицирани во државата. Од понеделникот до денеска регистрирани се 24 заразени. Во исто време, регистрирани се и седум оздравени велешани.

Според информациите на Министерството за здравство, во последното деноноќие се регистеирани 14 заразени, од кои, покрај шесте во Велес, Скопје брои пет новоинфицирани, во Прилеп има двајца и еден во Тетово.