Секторот за внатрешни работи Велес доби нов началник

Нов началник на СВР Велес од денеска е 37-годишниот Бране Паласков. Тој на оваа позиција е назначен со решение на министерот за внатрешни работи Панче Тошковски. Паласков доаѓа од позицијата Виш инспектор – главен дежурен во центар за известување и командување при СВР Велес.

Паласков во своето 10-годишно искуство како полициски службеник има работено како помлад инспектор во отсек за општ криминал во СВР Велес, Виш инспектор во отсек на општ криминал во СВР Велес, Виш инспектор во надворешна канцеларија за криминaлистички работи во Свети Николе, како и Виш инспектор – главен дежурен во центар за известување и командување при СВР Велес.

Тој е дипломиран економист, оженет и татко на три малолетни деца.

Паласков ќе раководи со целото подрачје на СВР Велес. Тука спаѓаат општините Велес, Кавадарци, Неготино, Демир Капија, Градско и Чашка

Местото началник на СВР Велес до овој момент ја вршеше Ристе Самараџиев.

Можеби ќе ве интересира: