Театарскиот фестивал “5РЕ“ започнува со премиера на „Вечера за глупаци” на велешкиот театар

Свеченото отворање на третото издание на Театарскиот фестивал “5РЕ“ ќе започне со премиерата на маестралната комедија „Вечера за глупаци” на Театар Џинот Велес во режија на Ненад Витанов.

Содржината продолжува под рекламата

„Вечера на глупаци“ е приказна која го коментира високото француско општество кое презаситено од сè што може да си пружи, креира ситуации во кои ќе може да им се исмева на послабите и понеуспешните од нив. Имено, темата која се обработува е смислата на она што го чини човекот среќен и перспективата од која тоа се доживува.

Содржината продолжува под рекламата

Во претставата учествуваат актерите Фаик Мефаилоски, Благочје Стојанов, Жарко Спасовски, Талија Настова, Кире Ацевски, Сандра Танчева и Јордан Витанов. Комедијата е работена според текст на Францис Вебер, сценографијата ја потпишува Филип Коруновски, костимите Раде Василев додека музичкиот избор е на Ненад Витанов.

Можеби ќе ве интересира: