„Паника“ премиерно изведена во велешкиот театар

Двајцата млади актери, велешаните Стефан Николовски и Филип Христовски на маестрален начин ја донесоа претставата „Паника“, на нејзината премиера синоќа во велешкиот театар.

Текстот, напишан од финскиот писател Мика Мулуаху, е приказна за двајца другари што се немаат видено долго време и после многу поминати години и патешествија во животот, тие се соочуваат еден со друг, си помагаат еден на друг, се провоцираат еден со друг, преку што избиваат нивните внатрешни конфликти. Претставата зборува за еден од најголемите проблеми кај младите луѓе во денешницата, нивното ментално здравје.

Режисерот Александар Ивановски со својата постановска го доведуваше расположението на публиката од крајност, во крајност, од екстремна трогателност, до неконтролирани изблици на смеа. Вели дека иако одбрал млади актери, тие ја оправдале неговата доверба.

Драматургијата на претставата ја потпишува Катерина Момева. Со претставата „Паника“, велешкиот театар продолжува со одличните претстави оваа сезона.

Moжеби ќе ве интересира: