Во Грција на летување без карантин и тестирање

Македонија е една од 19-те земји, на кои Грција летово ќе им дозволи да влезат во земјата без карантин и тестирање, јави грчката телевизија „Скај“.

Своите први туристи оваа година Грција ќе ги прими од 15 јуни, а на листата на гости ќе се најдат и нашите патници кои што ќе можат да патуваат во оваа земја.

Освен Македонија, на листата се најдоа и Кипар, Израел, Кина, Јапонија, Австралија, Норвешка, Данска, Австрија, Бугарија, Србија, Романија, Албанија, Полска, Босна и Херцеговина, Унгарија, Словачка и Чешка.