Велес го одбележи празникот и заштитник на градот „Св.вмч.Пантелејмон“

Чествувањето на празникот започна со вечерна богослужба во храмот посветен на „Св.вмч.Пантелејмон“ со која чиноначелствуваше Неговото Високопреосвештенство Митрополитот Повардарски. Г. Агатангел заедно со македонското православно свештенство од Повардарската епархија.

Текстот продолжува под рекламата

Празникот на градот на сите граѓани на Велес им го честиташе Градоначалникот Марко Колев кој истакна дека заштитникот на градот, семилостивиот Св. вмч. Пантелејмон, да не чува и штити од непогоди и невољи, да ни даде сила и храброст да истраеме во ова време невреме и да ни помогне да се свртиме кон вистинските вредности во животот.

Текстот продолжува под рекламата

Пред верниците се обрати и Митрополитот Повардарски Агатангел кој рече дека само сплотени и еднакви можеме да ги надминеме сите пречки и предизвици во времето во кое живееме.

Чествувањето го збогатија младите од МДПС Премиера со свој поетски перформанс, а за комплетен впечаток се погрижија Тринити Стрингс чии тонови милозвучно одекнаа во дворот на црквата.

Можеби ќе ве интересира: