Владата на денешната седница донела одлука од утре да се укине полицискиот час.
Според извори на ТВ21, одлука има и за рестораните и кафулињата кои треба да започнат со работа од четврток (28.05.2020)
Одлуките официјално ќе се дознаат во 19:00 часот кога и ќе биде прес конференцијата на претседателот на Владата на Република Северна Македонија, Оливер Спасовски, заменикот на претседателот на Владата, задолжен за европски прашања, Бујар Османи, министерот за здравство, Венко Филипче и д-р Жарко Караџовски од Институтот за јавно здравје
Претходно денеска заседаваше Комисијата за заразни болести која ги анализираше тековните состојби со ширењето на вирусот, а меѓу темите за расправа беа можностите за олабавување на мерките за отворање на угостителските објекти, на градинките и евентуалното намалување на полицискиот час.
Институтот за јавно здравје изминатото деноноќие регистрираше 14 оздравени пациент, 16 нови случаи на Ковид-19, како и тројца починати.
извор ТВ21
