На 26.10.2024 во СВР Велес било пријавено дека околу 01.45 часот на регионалниот пат село Теово-село Согле, општина Чашка, патничко возило „фолксваген поло“ со прилепски регистарски ознаки, управувано од С.С.(31) од село Пешталево, општина Долнени, излетало надвор од коловозот.
Во несреќата со тешки телесни повреди се здобил возачот, а со телесни повреди се здобила малолетна сопатничка, констатирани во болницата во Прилеп.
По овластување на јавен обвинител од Велес, увид на местото извршила увидна екипа од СВР Велес.
