Нема позитивни на Ковид 19 од ФК Борец

Откако вчера беше извршено задолжителното тестирање на фудбалерите, како и на стручните штабови и луѓето кои што работат во овие клубови, денес Синдикатот на фудбалери на Македонија соопшти дека ниту еден од нив не е позитивен на ковид 19.

“Денес ги добивме резултатите од тестирањето на Ковид 19 од Фк Академија Пандев и Фк Борец. Добра вест е дека сите тестирани се негативни,и сите кои работат во овие два клуба можат да си ги извршуваат своите работни задачи”, стои во соопштението од Синдикатот на фудбалери на Македонија објавено на својата фејсбук страна.

Фудбал се очекува идниот месец, а дотогаш фудбалерите неколку пати ќе бидат тестирани и проверувани за коронавирус како што е практика кај другите држави во кои веќе се игра фудбал.