Се проширува првата македонска фудбалска лига

Управниот одбор на Фудбалската федерација на Македонија (ФФМ) донесе одлука да го прифати предлогот на натпреварувачката комисија на ФФМ за целосен прекин на натпреварувачката сезона 2019/2020 од Втора Македонска фудбалска лига(МФЛ). Исто така, управниот одбор на ФФМ го прифати предлогот на натпреварувачката комисија во Прва МФЛ од натпреварувачката сезона 2020/2021 да се натпреваруваат екипите кои во моментот на прекинот на натпреварувачката сезона 2019/2020 се на првото место на табелата од Втора МФЛ – Исток и Втора МФЛ – Запад, а тоа се Беласица и Пелистер.

Местата во Втора МФЛ – Исток и Втора МФЛ – Запад  ќе се пополнат со одигрување на бараж натпревар помеѓу екипите кои во моментот на прекинот на натпреварувачката сезона 2019/2020 во Третите лиги се на првото место на табелата.

Управниот одбор на ФФМ донесе одлука да го прифати предлогот на комисијата за женски, футсал и младински фудбал за целосен прекин на натпреварувачката сезона 2019/2020 во сите конкуренции.