Екипите на Фруитленд Борец и Прилеп ги поделија бодовите одигрувајќи нерешено 38:38, иако домаќините во текот на целиот натпревар имаа контрола на резултатот. Домашните навивачи незадоволни од резултатот, по крајот на натпреварот бараа оствка од тренерот Владимир Глигоров.
Домашниот состав можеше да направи од готово вересија. Иако на моменти домаќините имаа предност од плус 10, 33:23, во 49 минута од натпреварот, на крај можеше и да го загуби натпреварот. Сепак ударот на Шабановиќ во последната секунда од натпреварот го одбрани новота голманско засилување на велешани, Александар Ѓурѓевиќ.
Во првиот дел се играше брзо и со многу постигнати голови, а велешани го добија со 23:20. Во вториот дел гостите постигнаа само три погодоци за 12 минути, нешто што Фруитленд Борец вешто го искористи и дојде до плус седум, а предноста и постојано се зголемуваше. И кога сите во спортската сала „Гемиџии“ очекуваа велешани да впишат ја впишат третата победа во првенство, на терен истрча, условно кажано втората постава на овој натпревар. Се редеа грешки на велешани, а гостите со агресивна игра го топеше резултатот. На 15 секунди до крајот при резултат 38:38, домашниот состав имаше напад за победа, но згрешија во подавањето, а ударот на Шабановиќ го одбрани Ѓурѓевиќ.
Одлична партија на овој натпревар прикажа бразилскиот десен бек Черубин со 9 постигнати погодоци, додека Миланов постигна 6. Кај гостите, Шабановиќ, Илиески и Цветановски постигнаа по 8. Останува уште едно коло од регуларниот дел, а Фруитленд Борец ќе гостува кај Тиквеш во Кавадарци, по што ќе се знае распоредот во борбата за опстанок во плеј аутот.
