Во болница во Литванија почина Александар Карадаковски, управителот на дискотеката „Пулс“ во Кочани, кој истовремено работел и како шанкер. Тој е 60-та жртва од трагичниот пожар што се случи во дискотеката и длабоко ја потресе јавноста во Кочани и низ цела Македонија.
Карадаковски беше меѓу најтешко повредените во пожарот и по првичното лекување во скопските клиники, беше префрлен во странство, во Литванија, поради сериозноста на неговата здравствена состојба. И покрај напорите на лекарите, неговата состојба се влошила и не можеле да го спасат.
Против Карадаковски се водеше истрага од страна на Обвинителството во рамки на случајот за причинско-последичните врски поврзани со пожарот. Иако формално е управител на правното лице „ММММ кафе ДООЕЛ“, во реалноста работел како шанкер.
За неговото лекување беа организирани донации, како и за другите повредени во трагедијата. Повеќе детали за текот на неговото лекување и смртта ќе бидат соопштени денес попладне од министерот за здравство Арбен Таравари. Се очекува официјална потврда од надлежните институции.
