Пензионер пукал кон деца кои му береле цреши во дворот, стои во полицискиот билтен.
МВР информира дека на 16.05.2025 во 14.00 часот во Свети Николе, полициски службеници од ОВР Свети Николе го лишиле од слобода В.И.(69) од Свети Николе. Тој претходно од тераса на својата куќа на ул.„Питу Гули“ пукал од воздушна пушка кон неколку деца кои береле цреши од цреша во неговиот двор.
По целосно расчистување и документирање на случајот, против него ќе биде поднесена пријава член 288 од Кривичниот законик – „предизвикување општа опасност“, појаснуваат од полицијата.
