СЗО: Маска да се носи на јавни места

Светската здравстевена организација (СЗО), објави дека ги смени препораките за носење маски.

Имено, тие сега им препорачуваат на владите да ги охрабрат жителите да носат маски во јавноста, места каде постои ризик од пренесување на коронавирус.

Во новите упатства, поттикнати од резултатите од студиите спроведени во последните неколку недели, СЗО потенцира дека маските се само една во низата алатки кои можат да го намалат ризикот од пренесување на вирусот, но не треба да обезбедат лажно чувство за безбедност.

Некои земји ширум светот веќе ја имаат оваа мерка како задолжителна и бараат од граѓаните да носат маски секогаш кога ќе ги напуштат своите домови.